| 呢排唔知發生咩事.
首先有兩個Show都買唔到飛, 一個係林一峰主演既一期一會, 另一個係濱崎步既演唱會, 都係我自己唔好 ... 唔通我怪佢地兩個唔好咩! 結果, 一期一會七月重演; 濱崎步繼續被炒黃牛飛, $780飛賣$1300都有巿!! 我唔鍾意近排有太多"跟風"既人
例子一: 本來你同學, 你老友, 你老婆, 你女友, 你父母, 你朋友既朋友... 平時都唔買唔聽Madonna既歌, 個個睇完廣告"仆"去買佢隻演唱會DVD, 再聽聞好多香港所謂歌星都去日本睇Madonna, 捧到佢做潮流教母當佢神仙咁拜, 呢d咪就叫"跟風"囉. 一個女人唔通到左五十歲就吸引力大增? 好, 咁演唱會入面最鍾意邊隻歌? (咪廣告聽到果幾隻囉....) 咁叫咩名呀? 算啦算啦, 咁你最喜歡演唱會邊一部分? (佢釘十字架果部分囉... ) 點解啊? 因為某某歌星話去日本睇唔到啊? 所以隻DVD抵睇D? 演唱會入面有冇邊隻歌唔係佢唱架? (唔知喎, 乜唔係Madonna演唱會咩?) 開頭同Future Lovers唱成Medley既I Feel Love係Donna Summer既作品黎架. 咁點解要睇日本果場? 你知唔知DVD收錄既係倫敦果場? (乜廣告唔係話日本咩, 好多香港歌星都去喎?!) 比呢d人激到你吐血!! 前兩年佢隻American Life唔賣得果時, 你地去哂邊? D所謂香港歌星又去邊? 再前兩年佢隻精選GHV2出貨多過有人買果時, 你地又去左邊度? 係咪有人排隊既時候, 香港人一定會做跟隊果班人?
希望你地買返去果隻Confessions Tour好好收藏, 永遠不見天日, 然後再跟隊買啦 香-港-人! 待續. |
